PM:10:58:27/06/2025
1440 جار خوێندراوەتەوە
بەڕێوەبەرایەتی هاتووچۆی سۆران دەڵێت، لەسەر دوو سایدی رێگای سپیلک، ئۆتۆمبێلێکی جۆری BMW خۆی كێشاوە بە گادرێلی رێگاكەدا و بەهۆیەوە کەسێک برینداربوو.
ئەمڕۆ هەینی ٢٧ـی حوزەیرانی ٢٠٢٥، بەڕێوەبەرایەتی هاتووچۆی سۆران وتی، لەسەر رێگای سپیلک رووداوێکی هاتووچۆ روویدا و بووەهۆی برینداربوونی کەسێک.
ئاماژەی بەوەشکرد، ئۆتۆمبێلێکە لە جۆری BMW بووە لە رێگا لایداوە و خۆی كێشاوە بە گادرێلی رێگاكەدا و تیمەكانی هاتووچۆ
هێڵكارییان بۆ رووداوەكە دەستپێكردووە.
هاوکات، بەڕێوەبەرایەتی هاتووچۆی سۆران داوای لە شۆفێران کرد پابەندی خێرای
دیاری کراو بن بۆ سەلامەتی هەموو لایەک.
