PM:10:25:27/06/2025
1328 جار خوێندراوەتەوە
سەرۆکی ئەمریکا لە ناوبردنی تەواوی دامەزراوە ئەتۆمییەکانی ئێرانی راگەیاند کە لەلایەن هێزە ئاسمانییەکانی ئەمریکاوە کراونەتە ئامانج و دەشڵێت، تاران بەم نزیکانە ناتوانێت دەست بە بەرنامە ئەتۆمییەکەی بكاتەوە و دامەزراوەی ئەتۆمی نهێنی لە ئێران بوونی نییە.
ئەمڕۆ هەینی ٢٧ـی حوزەیرانی ٢٠٢٥، دۆناڵد ترەمپ، سەرۆکی ئەمریکا لە کۆنگرەیەکی رۆژنامەوانیدا لە کۆشکی سپی وتی، بەرنامە ئەتۆمییەکەی ئێرانیان لەناو بردووە و ئێران پێویستی بە چەندین ساڵ دەبێت بۆ دەستپێکردنەوەی بەرنامە ئەتۆمییەکەی.
ئاماژەی
بەوەشکرد، ئەو ٢٥ ساڵە دەڵێت ناتوانرێت رێگە بە ئێران بدرێت چەکی ئەتۆمی هەبێت،
ئەوەش روویدا، ئەوان لەناوچوون و ساڵانێکی زۆری دەوێت تا بتوانن دوبارە
دەستپێبکەنەوە.
باسی لەوەشکرد،
بەدڵنیاییەوە ئەمریكا باش دەزانێت كە دامەزراوەی ئەتۆمی نهێنی لە ئێران بوونی
نییە، بۆیە هیچ دودڵ نییە لەوبارەیەوە، جارێكی تریش رەتیكردەوە بارهەڵگرەكانی
بەردەم دامەزراوەی فۆردۆ كەرەستە ئەتۆمییەكانییان گواستبێتەوە، بەڵكو بۆ
چیمەنتۆیان شاردنەوەی دامەزراوەكە هێنابوو.
دەشڵێت، ئاژانسی
نێودەوڵەتی وزەی ئەتۆم بەرپرسیارە لە پشکنینی دامەزراوە ئەتۆمییەکانی ئێران، بۆیە
پێویستە تاران ئەو یۆرانیۆمەی كە ماویەتی رادەستی بکات.
