PM:06:31:27/06/2025
1660 جار خوێندراوەتەوە
سەرۆکی فراکسیۆنی نەوەی نوێ لەخولی پێشووی پەرلەمانی کوردستان دەڵێت، نزیکەی دوو مانگە مووچە دابەشنەکراوە و مووچەخۆرانی هەرێم مووچەکانیان وەرنەگرتووە، زیاتر لە ٣٧ هەزار خانەنشین شەش مانگە یەک مووچەیەیان پێ نەدراوە، دۆخی مووچەخۆران زۆر خراپە و پارتی و یەکێتی لە دزینی داهاتی ناوخۆ و نەوت و گومرگەکان بەردەوامن بەبێ ئەوەی هەست بە بەپرسیارێتی بکەن و ئەو داهاتە بگەڕێننەوە و مووچەی پێ دابەشبکەن.
ئەمڕۆ هەینی ٢٧ـی حوزەیرانی ٢٠٢٥، کاوە عەبدولقادر سەرۆکی فراکسیۆنی نەوەی نوێ لەخولی پێشووی پەرلەمانی کوردستان وتی، دوێنی شاندێکی باڵای عێراق لە وەزارەتی نەوت و دارای گەیشتوونەتە هەرێم و کاتژمێر ٥ـی ئێوارە لەگەڵ بەرپرسانی حکومەتی ماوەبەسەرچوو کۆبوونەتەوە و بڕیاریشە بەیانی کۆبوونەوەیەکی دیکە بکەن.
ئاماژەی بەوەشکرد، دەرفەتێکی گرنگە هەرێم لەگەڵ بەغدا رێکبکەوێت و نیوەی
داهاتە فیدراڵییەکان بۆ بەغدا بنێرێت و نەوت لە رێگای کۆمپانیای سۆمۆوە رەوانە بکات
نەک لە رێگەی قاچاخ و بە نیوەی سعری بازاڕ بیفرۆشێت و داهاتەکەشی بدزن.
باسی لەوەشکرد، نەوت لە بازاڕەکانی جیهاندا بە ٧٠ دۆلارە کەچی هەرێم بە ٣٠
دۆلار دەیفرۆشێت و ئەگەر ئەمە دزی و تاڵانی نەبێت چی پێدەوترێت؟ بۆیە تاکە رێگە رێککەوتنە
لەگەڵ بەغدا و کۆتایی هێنانە بەو دزی و تاڵانییە.
دەشڵێت، بۆیە پارتی و یەکێتی بنەماڵەی بارزانی و تاڵەبانی، مەسرور و قوباد
ئێوە بەرپرسن لەم دۆخە ئێوە بەر پرسن لە دزیکردن لە خەڵک، بەغدا لەم ساڵدا چوار
مووچەی داوە بە مووچە خۆرانی هەرێم و چوار ترلیۆن و ٢٠٠ ملیار دیناری ناردووە ئەی ئێوە
چین بۆچی موچەیەکتان نەداوە بە مووچەخۆران، ئەوە چ جۆرە حوکمڕانیەکە لە کوێی دنیا
ئەم جۆرە حوکمڕانییە بوونی هەیە؟
