AM:09:52:27/06/2025
2016 جار خوێندراوەتەوە
بەپێی راپۆرتێکی کەناڵی CNN، ئەگەری هەیە ئه‌مریكا نزیکەی ٣٠ ملیار دۆلار تەرخانبکات بۆ گۆڕینی پێگه‌ی ئه‌تۆمی فۆردۆی ئێران بۆ بنکەیەکی ئەتۆمی مەدەنی.
ئەمڕۆ هەینی ٢٧ی حوزەیرانی ٢٠٢٥، كه‌ناڵی CNN بڵاویكرده‌وه، كۆشكی سپی باس له‌وه ده‌كات كه ئەگەری هەیە تا ٣٠ ملیار دۆلار بۆ ئێران دابین بکرێت بۆ دامه‌زراندنی بنکەیەکی ئه‌تۆمی مه‌ده‌نی لە شوێنی دامه‌زراوه‌ی ئه‌تۆمی فۆردۆ.
وتیشی، ئەم به‌رنامه نوێیە، كه له‌لایه‌ن هاوپه‌یمانه‌كانی
ئه‌مریكاوه له كه‌نداو پاره‌ی بۆ ته‌رخان دەکرێت، رێگه به پیتاندنی نادات و
تەنها بۆ مه‌به‌ستی مه‌ده‌نی به‌كارده‌هێنرێت.
ئاماژەی بەوەشکرد، ئەمریکا گفتوگۆ لەسەر هه‌ڵگرتنی هه‌ندێك سزا له‌سه‌ر
ئێران دەکات، وەک رێگه‌دان به تاران بۆ ده‌ستڕاگه‌یشتن به شه‌ش ملیار دۆلار له
هه‌ژماره بانكییه بیانییه‌كان كه پێشتر بلۆك كراون.
هەروەها، كارۆلین لیڤیت، وته‌بێژی كۆشكی سپی رۆژی پێنجشه‌ممه بڵاویکردەوە،
ئه‌مریكا له ئێستادا رێگایه‌كی دیپلۆماسی په‌یڕه‌و ده‌كات بۆ دانوستان له‌گه‌ڵ
ئێران بۆ گه‌یشتن به ئاشتییه‌كی به‌رده‌وام له رۆژهه‌ڵاتی ناوه‌ڕاست.
