AM:11:16:25/06/2025
2124 جار خوێندراوەتەوە
لە شەڕی ١٢ رۆژەی ئێران و ئیسرائیلدا، لە هەردوو وڵات نزیکەی ٦٣٩ کەس کوژراون و زیاتر لە ٥ هەزار و ٥٧٢ کەسیش برینداربوون.
ئەمڕۆ چوارشەممە ٢٥ـی حوزەیرانی ٢٠٢٥، کەناڵی ١٢ـی ئیسرائیلی بڵاویکردەوە، لە شەڕی ١٢ رۆژەی ئیسرائیل و ئێراندا، ٢٩ ئیسرائیلی کوژراون و ٨٧٢ کەسیش برینداربوون، میدیاکانی ئێرانیش دەڵێن، ٦١٠ کەس لە ئێران کوژراون و زیاتر لە ٤ هەزار و ٧٠٠ کەسیش برینداربوون.
کەناڵی
١٢ـی ئیسرائیلی وتیشی، لە ماوەی هێرشەکاندا، ٣١ هەزار باڵاخانە و خانوو زیانایان
پێگەیشتووە و چوار هەزار ئۆتۆمبێل تێکشکاون و ئێران ٥٩١ موشەکی بالیستی بۆ
ئیسرائیل هاویشتووە ٦٧ موشەکیان توانا بەرگرییەكانی ئیسرائیلی تێپەڕاندووە و لەناو
شارەكان كەوتوونەتە خوارەوە.
هاوکات،
بەپێی ئامارێکی وەزارەتی تەندروستی ئێران كە دوێنێ بڵاویکردووەتەوە، ئەو شەڕەی
ئیسرائیل لە ١٣ـی حوزەیران دژی ئێران دەستیپێکرد، لانیکەم ٦١٠ کەس كوژراون و زیاتر
لە ٤ هەزار و ٧٠٠ کەسیش برینداربوون.
