PM:05:58:24/06/2025
3200 جار خوێندراوەتەوە
دوای ئەوەی تیمێکی ئێن ئار تی لەلایەن هێزیکی یەکێتییەوە دەستگیرکران، دەستەی سەربەخۆیی مافی مرۆڤ لە هەرێم دەڵێت، پێویستە لە چوارچێوەی یاسا کارپێکراوەکان مامەڵە لەگەڵ رۆژنامەنووسان بکرێت و دەستبەجی هەردوو کارمەندەکە ئازاد بکرێن.
ئەمڕۆ سێشەممە ٢٤ی حوزەیرانی ٢٠٢٥، دەستەی سەربەخۆی مافی مرۆڤ لە هەرێم لە راگەیەندراوێکدا سەبارەت بە دەستگیرکردنی تیمێکی ئێن ئاڕ تیـیەوە وتی، بەپێی یاسای رۆژنامەگەری نابێت رۆژنامەنووس لە کاتی کاری رۆژنامەوانی دەستگیر بکرێت یانخود رێگری لێبکرێت.
وتیشی، پێویستە
لە چوارچێوەی یاسا کارپێکراوەکان مامەڵە لەگەڵ رۆژنامەنووسان بکرێت و هەرچی زووە
هەردوو کارمەندی دەستگیرکراو ئازاد بکرێن.
ئەوەش لە
کاتێکدایە پێشنیوەڕۆی ئەمڕۆ، تیمێکی ئێن ئاڕ تی لەلایەن هێزێکی یەکێتییەوە
دەستگیرکران، لەکاتێکدا، تیمەکە سەرقاڵی ئامادەکردنی راپۆرتێک بوون لەسەر گوزەرانی
خەڵک و بازاڕ لە سلێمانی.
