شەوی رابردوو سوپای پاسداران وتی، چەند موشەکێکیان ئاڕاستەی ئیسرائیل کردووە و گەیشتوونەتە تەلئەبیب و ناوەندی شارەکەیان هەژاند، سوپای ئیسرائیلیش وتی، هێرشیان کردووەتە سەر بنکە موشەکییەکان و ژێرخانی سەربازیی لە رۆژئاوای ئێران، کە دەکەونە باشووری رۆژئاوای شاری تەورێز.
درەنگانی شەوی رابردوو، سوپای پاسداران رایگەیاند، چەند موشەکێکیان ئاڕاستەی ئیسرائیل کردووە و سوپای ئیسرائیلیش وتی، هێرشیان کردووەتە سەر بنکە موشەکییەکان و ژێرخانی سەربازیی لە رۆژئاوای ئێران.
هەروەها،
لەسەرتاسەری ئیسرائیل زەنگی ئاگادارکردنەوە لێدرا و سوپای ئیسرائیل وتی، ئێران
شەپۆلێکی دیکەی هێرشی موشەکی دەستپێکرد و داوا لە خەڵکی کرا روو لە حەشارگەکان
بکەن.
هاوکات،
فڕۆکە جەنگییەکانی ئیسرائیل هێرشیان کردەسەر چەند ناوچەیەکی ئێران و لە تاران
دەنگی تەقینەوە و سیستەمی بەرگریی ئاسمانی بۆ بەرپەچدانەوەی فڕۆکەکان کەوتنە کار.
سوپای
پاسدارانیش وتی، ٢٠ فڕۆکەی جەنگی ئیسرائیل زیاتر لە ٣٠ ئامانجیان لە کرماشان،
هەمەدان و تاران بۆردومان کردووە، کە لە هێرشەکاندا کۆگای موشەک و سەکۆی هەڵدان
لەگەڵ سیستەمی رادار، ناوەندی چاودێری مانگی دەستکردیان لەناوبردووە.
ئەوەش
لە کاتێکدایە، ١١ رۆژە هێرشە موشەکییەکانی ئێران و ئیسرائیل بۆ سەر یەکتری
بەردەوامە و دوێنێش ئەمریکا هێرشێکی
ئاسمانی بۆ سەر هەرسێ بنکەی ئەتۆمی ئێران لە فۆردۆ، نەتەنز و ئەسفەهان
کرد.