سەرۆكی کۆمەڵەی پەنابەرە گەڕاوەکانی ئەوروپا دەڵێت، لە ماوەی ١٠ ساڵی رابردوودا، زیاتر لە ١٤٨ هەزار کەس لە هەرێمى کوردستانەوە، کۆچیان کردووە بۆ ئەوووپا و لەو ماوەیەشدا ٤١٤ کەس بوونەتە قوربانی.
ئەمڕۆ یەکشەممە ٢٢ـی حوزەیرانی ٢٠٢٥، بەکر عەلی، سەرۆكی کۆمەڵەی پەنابەرە گەڕاوەکانی ئەوروپا وتی، لە ١٠ ساڵی رابردوودا لە سەرجەم ناوچەكانی هەرێمی کوردستانەوە، ١٤٨ هەزار و ٤٠٠ كەس کۆچیان کردووە بۆ ئەوروپا و لە ناویاندا وڵاتی بەریتانیا.
باسی لەوەش کردووە،
لەو ماوەیەدا، ٤١٤ کەس بوونەتە قوربانی و تا ئێستا چەندین کەسیش بێ سەرو و شوێنن.
ئاماژەی بەوەش
کردووە، لەو ١٠ ساڵەدا، ٣٣ هەزار و ٨٠٠ کەس لە سنووری ئیدارەی راپەڕین کۆچیان کردووە
و ١١٢ کەسیش بوونەتە قوربانی.
سەرۆكی کۆمەڵەی
پەنابەرە گەڕاوەکانی ئەوروپا، رەخنەى لە دەسەڵات و لایەنە پەیوەندیدارەکانى هەرێمى
کوردستان گرت و وتى، بە داخەوە لایەنە پەیوەندیدارەكان، نەیانتوانیوە پاڵپشت بن بۆ
باشتركردنی ژیانی هاوڵاتییان.
ئەوەشی خستەڕوو، نەبوونی هەلی كار، نەبوونی
خزمەتگوزاری و سەروەر نەبوونی یاسا، لە هۆکارە کاریگەرەکانى زۆربوونى رێژەى
کۆچکردنن.