PM:07:40:21/06/2025
1184 جار خوێندراوەتەوە
بەڕێوەبەرایەتی پۆلیسی دارستان و ژینگەی سلێمانی دەڵێت، لە سەرەتای دەستپێکردنی قەدەغەی راوە ماسییەوە لە ٢٠ـی ئازارەوە تاوەکو دوێنێ ٢٠ـی حوزەیران کە ماوەی سێ مانگ دەکات ٩٦ راوچیان دەستگیرکردووە.
ئەمڕۆ شەممە ٢١ـی حوزەیرانی ٢٠٢٥، بەڕێوەبەرایەتی پۆلیسی دارستان و ژینگەی سلێمانی وتی، لە ماوەی سێ مانگی قەدەغەی راوە ماسیدا بەڕێوەبەرایەتییان لە سەرجەم سنوریە ئاویەکانى وەک دەریاچەى دوکان، دەربەندیخان لەسنورى دەربەندیخان، شارەزوور، سەیدسادق و لە سنوورى زێى بچوک، چەمى باسەڕە و شارباژێر لە رێگەى خاڵى چاودێرى و مەفرەزەى گەڕۆکەوە ٩٦ راوچیان دەستگیرکردووە.
هەروەها،
ئامارى کاروچالاکى تایبەت بە وەرزى قەدەغەى راوى ماسى بەم شێوەیە بووە کە ٩٦ سەرپێچیکار
دەستگیرکراون، ٦١٦ تۆڕى
قەبارە جیاواز دەستى بەسەرداگیراوە و ١٨٠ ماسی زیندووى قەبارە جیاواز لە
تۆڕەکان لێکراونەتەوە و دووبارە خراونەتەوە ناو دەریاچە و رووبارەکان.
هاوکات،
٧٧٢ ماسى قەبارە جیاوازى راوکراو، نۆ بەلەم ى گەورە، حەوت بەلەمى هەمەجۆر، ١٢
ئۆتۆمبێل، ١١ ماتۆرسکیل، ٥١ قولاپ دەستى، ١٤ سەوڵ، چوار
کەڵەک، سێ چوپ لەگەڵ یەک شەدا، یەک چەکى جۆرى کڵاشینکۆف و دوو تاپڕ لەگەڵ ٢٦
فیشەکى کڵاشینکۆف و یەک مۆلیدە دەستی بەسەردا گیراوە.
