PM:04:38:20/06/2025
916 جار خوێندراوەتەوە
وتەبێژی کۆمسیۆنی سەربەخۆی هەڵبژاردنەکانی عێراق دەڵێت، لە کەرکوک تاوەکو دوێنێ ژمارەی نوێکردنەوەی کارتی دەنگدان لەبنکەکانی کۆمسیۆن نزیکەی ١٠٠ هەزار کەس بووە و پێشبینی دەکەن ئەمڕۆ ئەو ژمارەیە تێپەڕ بکات.
ئەمڕۆ هەینی ٢٠ـی حوزەیرانی ٢٠٢٥، عەلی عەباس، وتەبێژی کۆمسیۆنی سەربەخۆی هەڵبژاردنەکانی عێراق لە نوسینگەی کەرکوک بە ئێن ئاڕ تی وت، تاوەکو دوێنێ ژمارەی نوێکردنەوەی کارتی دەنگدان لەبنکەکانی کۆمسیۆن نزیکەی ١٠٠ هەزار کەس بووە.
سەبارەت
بەدەوامی فەرمانبەرانی کۆمیسیۆن لە کەرکوک وتی، وەک دەزانن ئەمڕۆ دوا رۆژە بۆ نوێکردنەوەی کارتی دەنگدان، بەڵام
ئەوان بەپێی رێنمایی بەغدا، پێیان وتراوە پێویستە تاوەکو کۆتا دەنگدەر لەبنکەکانیان
بمێننەوە بۆ رایکردنی کارەکانی هاوڵاتییان.
باسی
لەوەشکردووە، دەوامی فەرمی تاوەکو کاتژمێر سێیە بەڵام ئەمڕۆ ئەو بنکانەی کە
قەرەباڵغن، بەبێ گوێدانە کاتی دەوام لەسەر رێنماییەکانی حکومەتی عێراق، هەتا
سەرجەم کارەکانی هاوڵاتییان و دەنگدەران تەواو نەکەن بنکەکانیان دا ناخەن.
