بەشێک لە فەرمانگە و بەڕێوەبەرایەتییەکانی سنووری پارێزگای سلێمانی بەهۆی دواکەوتنی مووچەوە بایکۆتی دەوام کرا.
ئەمڕۆ پێنجشەممە ١٩ـی حوزەیرانی ٢٠٢٥، بەشێکی فەرمانبەرانی فەرمانگە حکومییەکانی کەلار و کفری و چەمچەماڵ و چەند ناوچەیەکی تریش دەوامی فەرمانگەکانیان راگرت.
بەپێی زانیارییەکانیش، دەسەڵات خۆی بانگەشە بۆ بایکۆتی فەرمانگەکان دەکات تا ناڕەزایەتی
گەورە روونەدات، هاوکات، بایکۆتی فەرمانگەکان زیانی بۆ دەسەڵات نییە، چونکە ئەو
فەرمانگانەی پارە کۆدەکەنەوە دەوام دەکەن و تەنها هەندێک فەرمانگە کە پەیوەندییان
بە کاروباری رۆژانەی هاوڵاتییانەوە هەیە بایکۆتیان کردووە.
ئەوەش لە کاتێکدایە، ماوەی نزیکی ٥٠ رۆژە حکومەتی
ماوەبەسەرچوو نەیتوانیوە مووچەی فەرمانبەرانی دابەشبکات و لەماوەی رابردووشدا
فەرمەنبارانی چەند بەڕێوەبەرایەتییەکی تریش بایکۆتی فەرمانگەکانیان کرد.