PM:11:23:18/06/2025
3092 جار خوێندراوەتەوە
کاروباری مینی گەرمیان دەڵێت، لە کێڵگەیەکی مین سەر بە گوندی پاریاوڵەی بچوک لە ناحیەی پێباز، چالاکییەکی لەناوبردنی مین بەڕێوەدەچێت و داوا لە هاوڵاتییان بە مەبەستی سەلامەتی گیانیان، دووربن لەو ناوچەیە.
ئەمڕۆ چوارشەممە ١٨ی حوزەیرانی ٢٠٢٥، بەڕێوەبەرایەتی کاروباری مینی گەرمیان بڵاویکردەوە، لە کێڵگەی مینی ( مەقەڕ سرییەکە)، لە گوندی پاریاوڵەی بچوک لە ناحیەی پێباز، چالاکی لەناوبردنی مین بەردەوامە.
وتیشی، رووبەری ئەم کێڵگە مینە ٢٤ هەزار مەتر
دووجایە و تاوەکو ئێستا ٢٠ مینی دژە کەسی لە جۆری (VS50) و دوو پارچە تەقەمەنی لەجۆری (گولە هاوەن ٦٠ ملم) تێدا دۆزراوەتەوە.
دەشڵێت، لە ئێستادا هەردوو تیمی مینلابەری
دەستی (GD3+GD1) کاری پاکسازی تێدا دەکەن و شوێنی ئەم
کێڵگە مینە نزیکە لە جادەی سەرەکی(کەلار-سلێمانی) و شوێنی نیشتەجێبوونی دانیشتوان،
بەو هۆیەوە داوا لە دانیشتوانی گوندی ناوبراو و هاوڵاتییان دەکەن خۆیان بە دوور
بگرن لەو کێڵگە مینە بۆ ئەوەی دووربن لە روونەدانی رووداوی نەخوازراو، لە
ئایندەیەکی نزیکدا بە تەواوەتی لە مین و پارچە تەقەمەنی پاک دەکرێتەوە.
