سەرۆک وەزیرانی عێراق دەڵێت، حکومەت بەگوێرەی پڕۆسەی یاسایی و دەستوری مامەڵە لەگەڵ پرسە ناوخۆییەکان دەکات، لەگەڵ دادپەروەری و یەکسانی بۆ هەموو هاوڵاتیان.
ئەمڕۆ چوارشەممە ١١ـی حوزەیرانی ٢٠٢٥، محەمەد شیاع سودانی، پێشوازی لە باڵیۆزی یەکێتی ئەوروپا لە عێراق و باڵیۆزی ئەندامانی هەمیشەیی ئەنجومەنی ئاسایشی نەتەوە یەکگرتووەکان کرد.
سودانی باسی
لەوەکرد، حکومەت بەگوێرەی پڕۆسەی یاسایی و دەستوری مامەڵە لەگەڵ پرسە ناوخۆییەکان
دەکات، لەگەڵ دادپەروەری و یەکسانی بۆ هەموو هاوڵاتیان.
هاوکات، لای خۆیانەوە
باڵیۆزەکان پشتیوانیان بۆ سیاسەتی حکومەتی عێراق دووپاتکردەوە لە چارەسەرکردنی کێشە
ناوخۆییەکان و کێشە ئیدارییەکانی نێوان حکومەتی فیدراڵی و حکومەتی ماوەبەسەرچوو.
هەروەها، ئاماژەیان
بە خواستی ئەوروپا بۆ فراوانکردنی هاوکارییە ئابووری و بازرگانییەکان لەگەڵ عێراق
کرد.
سودانی ئاماژەی
بەوەشکرد، عێراق کاردەکات بۆ ئەوەی لە رێگەی چوارچێوە یاسایی و دیبلۆماسی و مرۆییەوە
رۆڵی ناوچەیی خۆی مومارەسە بکات، لەهەمان کاتدا وریایە نەچێتە ناو هیچ ململانێیەکەوە.