وەزارەتی گواستنەوەی عێراق دەڵێت، یەکەم کاروانی حاجیانی عێراق گەیشتنەوە بەغدا و گەڕانەوەی حاجیانی هەرێمیش لە سبەینێوە دەستپێدەکات.
ئەمڕۆ چوارشەممە ١١ی حوزەیرانی ٢٠٢٥، وەزارەتی گواستنەوەی عێراق بڵاویکردەوە، گەڕانەوەی حاجیان لە رێگەی ئاسمانیەوە بەردەوام دەبێت و لە سەرەتادا رۆژانە بۆ گەڕانەوەی حاجیان دوو گەشت ئەنجامدەدرێت و دواتر ژمارەی گەشتەکان تا شەش گەشت زیاد دەکات تا تەواوی حاجیان دەگەڕێنەوە بەردەوام دەبێت.
پێشتریش ئەوقافی هەرێم وتی، گەڕانەوەی حاجیانی هەرێم لە ١٢ی مانگەوە، واتە
سبەینێ بە رێگای وشکانی دەستپێدەکات و بە رێگەی ئاسمانیش لە ١٤ی مانگەوە
دەستپێدەکات.
لە
راگەیەندراوێکی حکومەتی سعودیەشدا هاتووە، دەرگای داواکاری بۆ پێشکەشکردنی ڤیزا
کراوەتەوە و بەجێگەیاندنی سونەتی لە ئەمڕۆوە بۆ عومرەکارانی دەرەوەی وڵات
دەستپێدەکاتەوە.
ئەوەش لەکاتێکدایە ئەمساڵ زیاتر لە ٣٧ هەزار هاوڵاتی لە عێراق و هەرێمی
کوردستانەوە بۆ ئەنجامدانی فەریزەی حەج روویان لە سعودیە کردووە.