وەزارەتی دەرەوەی ئێران دەڵێت، هەر پێشنیارێک هەڵگرتنی سزاکان و پاراستنی دەستکەوتە ئەتۆمییەکان لەخۆ نەگرێت قبوڵ ناکرێت و دەشڵێت، وەڵامی خۆیان بۆ پێشنیاری ئەمریکا له رێگەی عومانەوه دەخەنەڕوو.
ئەمڕۆ دووشەممە ٩ـی حوزەیرانی ٢٠٢٥، ئیسماعیل بەقایی، وتەبێژی وەزارەتی دەرەوەی ئێران لە کۆنگرەیەکی رۆژنامەوانیدا وتی، هەر پێشنیارێک هەڵگرتنی سزاکان و پاراستنی دەستکەوتە ئەتۆمییەکان لەخۆ نەگرێت، قبوڵ ناکرێت.
ئاماژەی
بەوەشکرد، روونبوەوە بانگەشەكردن لەبارەی راگرتنی سزاكان ناڕاستە و پێشنیاری
تایبەتی خۆیان دەخەنە بەردەم واشنتۆن، دوای تەواوبون لە دەقی کۆتایی.
باسی
لەوەسکرد، پێشنیارەكەی ئه مریکا بەرئەنجامی خولەکانی پێشووی دانوستانه کان نەبووه
و پیتاندنی یۆرانیۆم مافە و بەشێکی دانەبڕاوە لە پیشەسازی ئەتۆمی ئێران.
وتیشی،
وەڵامی خۆیان بۆ پێشنیاری ئەتۆمی ئەمریکا له رێى عومانەوه دەخەنەڕوو و دەبێت
واشنتۆن دەرفەتەکه بقۆزێتەوه و هه نگاوی گونجاویان گرتووەتەبەر بۆ وەڵامدانەوهی
هەر بڕیارێک هەیە لەلایه ن ئەنجومەنی پارێزگارانی ئاژانسی نێودەوڵەتی ئەتۆمەوە.
ئەوەش لە کاتێکدایە، ٢٣ـی ئایاری ئەمساڵ خولی
پێنجەمی دانوستانە ناڕاستەوخۆكانی ئێران و ئەمریكا لە رۆمای پایتەختی ئیتاڵیا
بەڕێوەچوو، بەگوێرەی وتەی وەزیری دەرەوەی عومانیش كە نێوەندگیری دانوستانەكەیە،
هەندێك پێشكەوتن هەبووە.