نێردەی عێراق بۆ حەج بۆ ساڵی سێیەم پلەی یەکەمی لە سعودیە بەدەستهێنا، وەک باشترین نێردە کە خزمەتگوزارى پێشکەش بە حاجییەکانى کردووە.
ئەمڕۆ دووشەممە ٩ـی حوزەیرانی ٢٠٢٥، دەستەى حەج و عومرەى عێراق، لە راگەیەندراوێکدا بڵاویکردەوە، و سامى مەسعودى، سەرۆکى دەستەی حەج و عومرەی عێراق خەڵاتى باشترین نێردەی وەرگرتووە کە بە “لەبەیتم” ناسراوە.
ئاماژەی بەوەشکرد، نێردەى عێراق بۆ حەج
پلەى یەکەمى لەلایەن وەزارەتى حەج و عومرەى سعودیەوە پێدرا، وەک باشترین نێردە کە
خزمەتگوزارى پێشکەش بە حاجییەکانى کردووە.
هاوکات، بۆ ساڵى سێیەمە لە دواى یەک کە
نێردەی عێراق ئەو خەڵاتە وەربگرێت و سامى مەسعودى، سەرۆکى دەستەی حەج و عومرەی
عێراق ئەو خەڵاتەى وەرگرتووە کە بە "لەبەیتم” ناسراوە.
هەروەها، لەبارەی خەڵاتەکەوە، محەمەد
شیاع سودانی، سەرۆک وەزیرانی عێراق، لە پۆستێکدا لە تۆڕی کۆمەڵایەتیی ئێکس نوسیویەتی،
ئەمە ناوبانگێکی باش بۆ وڵاتەکەیان تۆماردەکات و وادەکات شانازی بەم دەستکەوتە
گرنگەوە بکەن.
ئەوەش لە
کاتێکدایە، دوێنێیەکشەممە ٨ی حوزەیرانی ٢٠٢٥، سعودییە سەرکەوتنی وەرزی حەجی ئەمساڵ و دەستپێکردنی
دەستبەجێی ئامادەکارییەکان بۆ وەرزی حەجی ساڵی داهاتوو راگەیاند.