PM:11:50:07/06/2025
2516 جار خوێندراوەتەوە
قائیمقامییەتی هەولێر دەڵێت، لە یەکەم و دووەم رۆژی جەژنی قوربان، ١٠ کەس بە هۆی سەر بڕینی ئاژەڵ لە دەرەوەی کوشتارگەی هەولێر بەدەر لە یاسا و رێنماییەکان دەستگیرکران.
ئەمڕۆ شەممە ٧ـی حوزەیرانی ٢٠٢٥، قائیمقامییەتی هەولێر بڵاویکردەوە، بە سەرپەرشتی قائیمقامی هەولێر و پۆلیسی قائیمقامیەتی ناوەندیی و چاودێری بازرگانی، لە یەکەم و دووەم رۆژی جەژنی قوربان، ١٠ کەس بە هۆی سەر بڕینی ئاژەڵ لە دەرەوەی کوشتارگەی هەولێر بەدەر لە یاسا و رێنماییەکان دەستگیرکران.
ئاماژەی بەوەشکرد،
لەگەڵ بڵاوبوونەوەی پەتای خوێنبەربوون لە ناو ئاژەڵاندا کە ئەمەش مەترسییە بۆ سەر
گیانی هاوڵاتییان، و پێویستە هەموو ئاژەڵێک لە چوارچێوەی یاسا و رێنماییەکانی
تەندروستی لە کوشتارگەی هەولێر سەر ببڕدرێت.
وتیشی،
دڵنیایی بە هاوڵاتییانی شاری هەولێر دەدەن، هەڵمەتەکانی پشکنین و بەدواداچوون لە
سەرجەم بازاڕ و ناوەند و شوێنە بازرگانییەکانی و گشتییەکان بەردەوامیان دەبێت و رێگە
بە هیچ کەس و لایەنێک نادرێت خۆراکی ناتەندروست و نایاسایی لە شارەکەیان بەسەر
هاوشاریان ساغبکاتەوە.
