وەزارەتی تەندروستی سعودییە له راگه‌یه‌نراوێكدا دەڵێت، تیمی پزیشکی وڵاتەکەیان تا ئێستا بڵاوبوونەوەی هیچ جۆرە نەخۆشی و پەتایەکیان لە نێو حاجیاندا دەستنیشان نەکردووە.
ئەمڕۆ شەممە ٧ـی حوزەیرانی ٢٠٢٥، محەمەد عەبد، بریکاری وەزاره‌تیتەندروستی سعودییە بۆ خزمەتگوزارییە تەندروستییەکان وتی، تیمە پزیشکییەکانیان لە وەرزی حەجی ئەمساڵدا تا ئێستا هیچ دەرکەوتنێکی نەخۆشی یان پەتایەکیان لە ناو حاجییاندا دەستنیشان نەکردووە.
ئاماژەی
بەوەشکرد، وەزارەتەکە بە درێژایی رێوڕەسمەکە بەردەوام چاودێری باری تەندروستی
حاجییان دەکات له رێگه‌ی چه‌ندین تیمی پزیشكی گه‌ڕۆك و نۆرینگه‌ی گه‌ڕۆكه‌وه له
هه‌موو ئه‌و شوێنانه‌ی كه حاجییان لێی كۆده‌بنه‌وه یان ده‌مێننه‌وه.
باسی
لەوەشکرد،ژمارەیەکی کەم له حاجییان كاریگه‌ری دۆخی پله‌كانی گه‌رما و كه‌شوهه‌وایان
لەسەر هه‌بووه، به‌هۆی دابینكردنی ئامێره‌كانی فێنككه‌ره‌وه له‌ناو حه‌ره‌می مه‌ككه
و مه‌دینه و شوێنه‌كانی تر، ئه‌وه‌ش له‌چوارچێوه‌ی ئه‌و پلانه‌ی كه حكومه‌ت
دایناوه.
هاوکات،
وەزارەتی تەندروستی سعودییه، هۆشداریشی داوه‌ته حاجییان لە بەرکەوتنی ڕاستەوخۆی
تیشكی خۆر لە كاتی رۆژدا کە پلەی گەرمی بەرزە.
هەروەها، داوای
پابەندبوون بە رێنماییەکان دەکات کە لایەن گروپەکان كه پێیان دراوه، بەتایبەت
بەکارهێنانی چەتر لەکاتی فەریزە لە شوێنە پیرۆزەکاندا بۆ خۆپاراستن لە تینی گەرما،
ئەمەش بۆ پاراستنی تەندروستی و سەلامەتی حاجیان پێویستە.