PM:05:38:07/06/2025
1792 جار خوێندراوەتەوە
دەستەى گشتیی گومرگى عێراق دەربارەى ئۆتۆمبێلەکانى جۆرى هایبرید و کارەبایى هاوڵاتییان دڵنیادەکاتەوە و دەڵێت، سەرجەم بڕیارەکانى لێبوردن و بەخشینى رەسمى گومرگیی ئەم جۆرە ئۆتۆمبێلانە تائێستا کارپێکراون.
ئەمڕۆ شەممە ٧ـی حوزەیرانی ٢٠٢٥، دەستەى گشتیی گومرگی عێراق، لە بارەى بڕیارێک سەبارەت بە گومرگى ئۆتۆمبێلى هایبرید و کارەبایى روونکردنەوە دەدات.
ئاماژەی بەوەشکرد، هاوڵاتییان دڵنیادەکاتەوە کە سەرجەم بڕیارەکانى لێبوردن و بەخشینى رەسمى گومرگیی ئەم جۆرە ئۆتۆمبێلانە تائێستا کارپێکراون.
هەروەها، روونکردنەوەى
دەستەکە هاوکاتە لەگەڵ جێبەجێکردنى بڕیارى ئەنجومەنى وەزیرانى عێراق ژمارە ٢٧٠ـی
ساڵى ٢٠٢٥ و نوێکردنەوەى بڕ و جۆرى سەرجەم ماددە گومرگییەکان.
هاوکات، بڕیارى
وەرنەگرتنى گومرگ لە ئۆتۆمبێلە هایبرید و کارەباییەکان ئامانج لێی هاندانى
بەکارهێنانى هۆکارەکانى گواستنەوەى هاوڕێى ژینگەیە لە عێراق، هاوشانى رێنوێنییە
جیهانییەکان بۆ کەمکردنەوەى دەردانى کاربۆن.
