وەزیری کارەبای عێراق دەڵێت، زیادکردنی ٦٠٠ مێگاوات وزەی کارەبا بۆ هێڵی پەیوەندیی عێراق-تورکیا چووەتە بواری جێبەجێکردنەوە.
ئەمڕۆ شەممە ٧ی حوزەیرانی ٢٠٢٥، زیاد عەلی، وەزیری کارەبای عێراق بە میدیا عەرەبییەکانی وت، لەبری ٣٠٠ مێگاوات، ٦٠٠ مێگاوات وزە بۆ هێڵی پەیوەندیی عێراق و تورکیا دەچێتە سەر تۆڕی کارەبای نیشتمانیی وڵاتەکە.
وتیشی، ئەم
زیادکردنە دەبێتە هۆی سەقامگیری و باشترکردنی کاتژمێرەکانی دابەشکردنی کارەبا،
بەتایبەتی لە پارێزگاکانی نەینەوا و سەڵاحەدین و کەرکوک.
باسی لەوەشکرد،
وەزارەتەکەیان تەواوی رێوشوێنە تەکنیکییەکانی تەواوکردووە بۆ ئەو زیادکردنە و
دەڵێت، لەمەودوا بەگوێرەی ئەوەی چەند کارەبا بەکاردەهێنرێت ئەوەنەش پارە دەدرێت،
ئەوەش دەبێتە هۆکارێک بۆ رێگریکردن لە بەهەدەرچوونی دارایی.
ئەمەش لە
کاتێکدایە، عێراق بەردەوامە لە هەوڵەکانی بۆ دابینکردنی کارەبا بۆ هاوڵاتیانی بە
نرخێکی هەرزان و بۆ هەر کیلۆواتێک کارەبا تەنها ١٥ دینار لە هاوڵاتیان وەردەگرێت،
لەکاتێکدا حکومەتی ماوەبەسەرچوو بۆ هەرکیلۆواتێک کارەبا ٧٠ دینار بۆ ٣٥٠ دینار لە
هاوڵاتیان دەستێنێت.