PM:09:24:05/06/2025
1628 جار خوێندراوەتەوە
فەرماندەیی گشتی هەسەدە پەیامێکی بڵاوکردەوە و دەڵێت، داننان بە مافی هەموو پێکهاتەکان بناغەی بنیاتنانی سوریایەکی دیموکراسی و دادپەروەرە.
ئەمڕۆ پێنجشەممە ٥ـی حوزەیرانی ٢٠٢٥، مەزڵوم عەبدی، فەرماندەی گشتی هێزەکانی سوریای دیموکرات، لەتۆڕی کۆمەڵایەتی ئێکس پەیامێکی بڵاوکردەوە و نوسیویەتی، پێکهێنانی شاندی یەکگرتووی کورد لە چوارچێوەی جێبەجێکردنی رێککەوتنی ١٠ـی ئازاردا دێت، کە تێیدا چەسپاندنی دەستووری مافەکانی کورد لە سوریایەکی یەکگرتوودا دووپات کرایەوە.
ئاماژەی بەوەشکردووە،
پێیان وایە داننان بە مافی هەموو پێکهاتەکان بناغەی بنیاتنانی سوریایەکی دیموکراسی
و دادپەروەرە کە هەمووان بەشداری تێدا بکەن.
ئەوەشی روونکردووەتەوە،
هەردوو شاندەکە، شاندی نوێنەرایەتی باکووری رۆژهەڵاتی سوریا و شاندی یەکگرتووی
کورد، نوێنەرایەتی پرۆسەیەکی یەکگرتوو دەکەن کە پابەندبوونیان بە دیالۆگی نیشتمانی
وەک بژاردەیەکی ستراتیژی بەرەو ئایندەیەک کە بەدیهێنانی دادپەروەری و یەکسانی
بەرجەستە دەکات.
