PM:05:42:05/06/2025
2048 جار خوێندراوەتەوە
پۆلیسى سلێمانى دەڵێت، تۆمەتبارێك دەستگیركرا و دەستبەسەر كۆمەڵێك چەك و تەقەمەنیدا گیرا.
ئەمڕۆ پێنجشەممە ٥ـی حوزەیرانی ٢٠٢٥، بەڕێوەبەرایەتیی پۆلیسى پارێزگاى سلێمانى بڵاویکردەوە، دوای ئەوەی زانیاری گەیشتە بەشی پۆلیسی دەربەندیخانی سەر بە بەڕێوەبەرایەتییان سەبارەت بەوەی كەسێك كاری كڕین و فرۆشتنی چەك و مامەڵە بەچەكی نایاساییەوە دەكات، دەستبەجێ بنكەی پۆلیسی دەربەندیخان راسپێردرا بەدواداچوون و لێكۆڵینەوەكانیان دەستپێبكەن و رێوشوێنی یاسایی بگرنەبەر.
ئاماژەی
بەوەشکرد، پاش ئەنجامدانی رێكاری یاسایی پێویست و وەرگرتنی بڕیاری دادوەر شوێنی
چەك و تەقەمەنییەكان دەستنیشانکرا و دەستگیرا بەسەریاندا و تۆمەتبارێكیش لەسەر
بابەتە تاوانكارییەكە دەستگیرکرا.
پۆلیسى سلێمانى
وتیشی، لەئێستادا تۆمەتبارەکە بە بڕیاری دادوەر و بەپێی ماددەی ١٣ لە یاسای چەكی
ژمارە دووی ساڵی ٢٠٢٢ـی بەركار لە هەرێمی كوردستان راگیراوە و لێكۆڵینەوەكان
بەردەوامن.
