بەڕێوەبەری گشتی کشتوکاڵی هەولێر بە ئێن ئاڕتی وت، لە ١٢ـی ئەم مانگەوە دەستدەکەن بە وەرگرتنی گەنمی جوتیارانی سنووری پارێزگای هەولێر.
ئەمڕۆ پێنجشەممە ٥ـی حوزەیرانی ٢٠٢٥، هێمن موراد، بەڕێوەبەری گشتی کشتوکاڵی هەولێر بۆ ئێن ئاڕ تی باسی لەوەکرد، ئامادەکارییان کردووە بۆ وەرگرتنی گەنمی جوتیاران و لە ١٢ـی ئەم مانگەوە دەست بە وەرگرتنی دەکەن.
ئاماژەی بەوەشکردووە، وەرگرتنی گەنم بۆ
جوتیارانی سنووری پارێزگای هەولێر دەبێت.
هاوکات وەزارەتی کشتوکاڵی عێراقیش وتی، پێشبینی دەکەن بەرهەمی گەنم لە ئەمساڵدا
بگاتە چوار ملیۆن و ٥٠٠ هەزار تەن، ئەوەش بەشی پێویستی ناوخۆ دەکات.
ئەوەش لەکاتێکدایە پێشتر بەڕێوەبەری بازرگانی
هەرێم وتی، لە ١٠ـی مانگەوە سایلۆکان بەڕووی جوتیاراندا دەکرێتەوە و سایلۆکانی
گەرمیان و قوشتەپە و روڤیاش هاوشێوەی سایلۆکانی دیکە گەنم وەردەگرن.