PM:08:22:04/06/2025
11736 جار خوێندراوەتەوە
بەشێک لە کوردانی تاراوگە لە لەبەردەم کونسوڵ و باڵیۆزخانەی عێراق لە وڵاتی بەریتانیا گردبوونەوە و وتیان، ئیدانەی بڕیاری بڕینی مووچەی فەرمانبەرانی هەرێم دەکەین کە لە ئەنجامی گەندەڵی و دزیی لە داهاتی ناوخۆ لەلایەن پارتی و یەکێتی دروستبووە.
ئەمڕۆ چوارشەممە ٤ـی حوزەیرانی ٢٠٢٥، بەشێک لە کوردانی تاراوگا بە مەبەستی ئیدانەکردنی بڕیاری بڕینی مووچەی چەندین مانگی داهاتووی فەرمانبەرانی هەرێم، لەبەردەم کونسوڵ و باڵیۆزخانەی عێراق لە شارەکانی مانچستەر و لەندەن گردبوونەوە.
هاوکات لە گردبوونەوەکەدا بەشێک لە کوردانی
تاراوگە ئاماژەیان بەوەکرد، سیاسەتی هەڵەی پارتی و یەکێتی و ئەو هەموو گەندەڵی و
دزییەی لە داهاتی ناوخۆ بووەتە هۆی ئەو بڕیارانەی کە وەزارەتی دارایی عێراق
دەریکردووە.
