PM:01:27:20/05/2025
2628 جار خوێندراوەتەوە
سەرۆکی فراکسیۆنی نەوەی نوێ لە پەرلەمانی عێراق دەڵێت، سەرۆکی حکومەتی ماوەبەسەرچوو مافی ئەوەی نییە بە بەهای ملیاران دۆلار گرێبەست لەگەڵ کۆمپانیاکاندا ئەنجام بدات، چونکە دەسەڵاتەکەی بەسەرچووە.
ئەمڕۆ سێشەممە ٢٠ـی ئایاری ٢٠٢٥، سروە عەبدولواحید، سەرۆکی فراکسیۆنی نەوەی نوێ لە پەرلەمانی عێراق بڵاویکردەوە، بەپێی دادگای فیدراڵی حکومەتی کاربەڕێکەر ناتوانێت واژۆ لەسەر هیچ گرێبەست و رێککەوتنێک بکات کە رەهەندی دارایی هەبێت.
ئاماژەی بەوەشکردووە، ئەوان پاڵپشتی وەربەهێنان
لەگەڵ کۆمپانیا ئەمریکییەکاندا دەکەن، بەڵام ئەم هەنگاوە ئەو کۆمپانیایانە
رووبەڕووی چەند پرسێکی یاسایی دەکاتەوە، چونکە بەپێی دادگای فیدراڵی حکومەتی
کاربەڕێکەر ناتوانێت واژۆ لەسەر هیچ گرێبەستێک بکات کە رەهەندی دارایی هەبێت.
ئەوەش لەکاتێکدایە، حکومەتی کاربەڕێکەر دوو گرێبەستی لە بواری وزەدا لەگەڵ دوو کۆمپانیای ئەمریکی بەبەهای ١١٠ ملیار دۆلار واژۆ کردووە.