PM:02:04:14/05/2025
26968 جار خوێندراوەتەوە
وتەبێژی حکومەتی کاربەڕێکەر وتی، بە تێکڕای دەنگی وەزیرەکان حکومەت نرخی کارەبا گرانەکەی جێگیرکرد، پارتی و یەکێتی لە رێگەی حکومەتی کاربەڕێکەرەوە نرخی کارەبایان تا زیاتر لە ١٥ هێندەی ئێستا گرانکرد لەسەر هاوڵاتیان.
ئەمڕۆ چوارشەممە ١٤ـی ئایاری ٢٠٢٥، چاوگێك لە حکومەتی کاربەڕێکەر بە ئێن ئاڕ تی راگەیاند، نرخی نوێی کارەبا گرانەکە لە پرۆژەی رووناکی لە ٧٢ دینارەوە بۆ ٣٥٠ دینار دەبێت و بۆ کۆتایی ساڵی ٢٠٢٦ تەواوی هەرێمی کوردستانیش دەبێتە کارەبای ٢٤ کاتژمێری.
چاوگەکە ئەوەشی بە ئێن ئاڕ تی وت، حکومەتی کاربەڕێکەر
نرخی کارەبا گرانەکەی بە پێنج قۆناغ دیاریکردووە و هەر قۆناغێک نرخەکەی جیاوازە،
تاوەکو ٤٠٠ کیلۆوات ٧٢ دینارە، لە ٤٠٠ بۆ ٨٠٠ کیلۆوات ١٠٨ دینارە.
نرخەکان لە ٨٠٠ بۆ ١٢٠٠ کیلۆوات ١٧٥ دینارە و لە ١٢٠٠
بۆ ١٦٠٠ کیلۆواتیش دەبێـە ٢٦٥ دینار، بەڵام ئەگەر ماڵێک بەکارهێنانی کارەبای
مانگانەی لە ١٦٠٠ کیلۆوات تێپەڕێت، نرخی هەر کیلۆواتێکی دەبێتە ٣٥٠ دینار.
هاشم ئازاد
