PM:10:24:12/05/2025
2784 جار خوێندراوەتەوە
سەرۆکی تورکیا لە بارەی هەڵوەشاندنەوەی پەکەکەوە رایگەیاند، هەڵوەشاندنەوەی پەکەکە لە بەرژەوەندی کورد و تورکدایە.
ئەمڕۆ دووشەممە ١٢ـی ئایاری ٢٠٢٥، رەجەب تەیب ئەردۆغان، سەرۆک کۆماری تورکیا وتی، بڕیارەکەی پەکەکە بۆ ئاسایش و ئارامیی ناوچەکەیان و بەهێزکردنی برایەتیی نێوان کورد و تورک بە گرنگ دەزانن و لە قازانجی هەردوو نەتەوەکەدایە.
ئاماژەی بەوەشکرد، بڕیاری
هەڵوەشاندنەوەی پەکەکە بڕیارێکی گرنگە و لە
بەرژەوەندی کورد و تورکدایە.
ئەوەش لە کاتێکدایە، پارتی کرێکارانی کوردستان (پەکەکە) لە راگەیەندراوێکدا،
ئەنجامی ١٢ـەیەمین کۆنگرەی خۆی بڵاو کردەوە و رایگەیاند، لەژێر رۆشنایی
بانگەوازەکەی عەبدوڵا ئۆجەلان، پەکەکە بڕیاری کۆتایهێنان بە خەباتی چەکداری و
هەموو ئەو چالاکییانەی دا کە بەناوی رێکخراوەکەوە دەکرێن.
