PM:05:28:12/05/2025
3612 جار خوێندراوەتەوە
دوای بڕیاری هەڵوەشاندنەوەی په‌كه‌كه و کۆتایهێنان بە خەباتی چەکداری، هاوسەرۆکی هەدەپە رایگەیاند، کاتی ئەوە هاتووە پێکەوە و دڵسۆزانە کاربکەن بۆ بەدیهێنانی ئاشتی و خۆشگوزەرانی و دیموکراسی و تورکیا بە هەموو شێوەیەک گەشە بکات.
ئەمڕۆ دووشەممە ١٢ـی ئایاری ٢٠٢٥، سەڵاحەدین دەمیرتاش، هاوسەرۆکی هەدەپە لەسەر بڕیارەکەی پەکەکە پەیامێکی بڵاوکردەوە و رایگەیاند، بە بۆنەی دەرئەنجامی کۆنگرەی پارتی، سوپاسی ئیدارەی پارتی دەکەن کە ئەم بڕیارەی دا، بەتایبەت عەبدوڵا ئۆجەلان و سەرجەم سەرکردەکانی پارتە سیاسییەکان.
وتیشی، بە جۆش و خرۆشەوە پێشوازی لەم هەنگاوە
مێژووییە دەکەن کە وەک هەنگاوێکی گەورە گیراوەتەبەر.
باسی لەوەشکرد، ئێستا کاتی ئەوە هاتووە
پێکەوە و دڵسۆزانە کاربکەن بۆ بەدیهێنانی ئاشتی و خۆشگوزەرانی و دیموکراسی و ئازادیەکان
و تورکیا بە هەموو شێوەیەک گەشە بکات.
ئەوەش
لە کاتێکدایە، پارتی کرێکارانی کوردستان (پەکەکە) دوای نزیکەی ٤٨ ساڵ لە خەبات، بە
شێوەیەکی فەرمی هەڵوەشاندنەوەی خۆی و چەکدانانی راگەیاند و کۆتایی بە شەڕی
چەکداریی لەگەڵ تورکیا هێنا.
هاشم ئازاد
