PM:12:40:12/05/2025
2424 جار خوێندراوەتەوە
دژى دەستبەسەرداگرتنى زەویە کشتوکاڵیەکانیان لەلایەن حکومەتى کاربەڕێکەرەوە دانیشتووانی هەشت گوندی سنووری سلێمانی گردبوونەوە و رایانگەیاند، حکومەت بەناوی دابەشکردنى بەسەر فەرمانبەراندا زەوییە کشتوکاڵیەکانیان داگیردەکات.
ئەمڕۆ دووشەممە ١٢ـی ئایاری ٢٠٢٥، نوێنەری جوتیارانی هەشت گوندی سنووری سلێمانی دژی داگیرکردنی زەوییەکانیان لە لایەن حکومەتی کاربەڕێکەر لە بەردەم بینای سلێمانی گردبوونەوەو بە ئێن ئاڕتیان راگەیاند، حکومەت بەناوی دابەشکردنى زەوی بەسەر فەرمانبەراندا زەوییە کشتوکاڵیەکانیان داگیردەکات و سەرچاوەى بژێوییان لێ زەوت دەکات.
ئاماژەیان بەوەشکرد، پێویستە حکومەتی کاربەڕێکەر لیژنەیەک
تەرخان بکات بۆ ئەوەی بزانن ئەم زەویانە تاچەند بەکەڵکی نیشتەجێبوون دێن و ئەم زەویانە بە
چەند ساڵی کە خزمەت گوزاری ناگات پێیان.
باسیان لەوەشکرد، تاوەکو ئێستا گوندەکانیان هیچ خزمەتگوزاری بۆ نەهاتووە و هیچ پڕۆژەیەکی حکومەتی تیانیە ئێستاش هاتوون زەویەکانیان داگیردەکەن.
شـ.فـ
