AM:10:55:12/05/2025
28448 جار خوێندراوەتەوە
کەشناسی هەرێم رایگەیاند، ئەمڕۆ تاوەباران و بروسکە و تۆز و خۆڵ زۆرێک لە ناوچەکان دەگرێتەوە، کەشناسی عێراقیش دەڵێت، ئەمڕۆ و سبەی بارانبارین لە ناوچە جیاجیاکانی هەرێم بەردەوام دەبێت.
ئەمرۆ دووشەممە ١٢ـی ئایارـی ٢٠٢٥، بەڕێوەبەرایەتی گشتی کەشناسی و بومەلەرزەزانی هەرێم لەبارەی کەشی ئەمڕۆ رایگەیاند، ئاسمان لەنێوان نیمچە هەور و هەوری تەواو دەەبێت و پلەکانی گەرما دوو تــا چوار پلە لە ناوچە شاخاوییەکان زیاتر نزم دەبێتەوە.
هاوکات، سەبارەت
بە کەشی سبەینێ ئاماژەی بەوەکردووە، ئاسمان لە زۆربەی کاتەکان هەوری تەواو دەبێت،
لەگەڵ بونی تاوەباران و بروسکەی پچڕ پچڕ لە ناوچە نیمچە شاخاوییەکان و لە ناوچە
سنورییەکان کاریگەرییەکەی زیاتر دەبێت، هەروەها خێرایی با چالاک دەبێت و لەناوچەکانی
باشوری هەرێم تۆز و خۆڵ بەرز دەبێتەوە.
هەروەها، کەشناسی
عێراق باسی لەوەکردووە، ئەمڕۆ شەپۆلی بارانەکە هەورە بروسکەی لەگەڵدا دەبێت و
سبەینێش پلەکانى گەرما تا رادەیەک دادەبەزن.
سـ . جـ
