AM:10:49:12/05/2025
1580 جار خوێندراوەتەوە
پۆلیسی دارستان و ژینگەی سلێمانی رایگەیاند، بەهۆکارێکى نادیار لە سنووری ناحیەی عەربەت سێ دۆنم پووش و پاوان سووتا.
ئەمڕۆ دووشەممە ١٢ـی ئایاری ٢٠٢٥، بەڕێوەبەرایەتیی پۆلیسی دارستان و ژینگەی سلێمانی بڵاویکردەوە، دوای ئاگادارکردنەوە لەبوونی کەوتنەوەی ئاگرێک لەسنووری (دۆڵی دووکانیان) لە ناحیەی عەربەت دەست بەجێ مەفرەزەیەک لەکارمەندانی بنکەی پۆلیسی دارستان و ژینگەی عەربەت بەهاوکاریی بنکەی بەرگریی شارستانیی عەربەت، گەیشتنە شوێنی رووداوەکە، لەئەنجامدا توانیان ئاگرەکە کۆنترۆڵبکەن.
ئەوەش خراوەتەروو، ئاگرەکە بووە هۆی سووتانی
نزیکەی سێ دۆنم پووش و پاوان هۆکاری کەوتنەوەی ئاگرەکە نەزانراوە و بەدواداچوون
بەردەوامە و بڕیاری دەستگیرکردن بۆ تۆمەتباری رووداوەکە دەرچووە.
