دوای کوشتنی ورچێک لە سنوری ناحیەی قەسرێ لە باڵەکایەتی، ئەمڕۆ لاشەی دوو ئاسکی تری کێوی مردارەوەبوو لە دوو شوێنی جیای باڵەکایەتی دۆزرانەوە.
ئەمرۆ چوارشەممە ٧ی ئایاری ٢٠٢٥، چاوگێک لە قەسرێی باڵەکایەتی بە پەیامنێری ئێن ئاڕ تی راگەیاند، لە بناری چیای کۆخە لە سنوری ناحیەی قەسرێ لە باڵەکایەتی، ئاسکێکی مردارەوەبوو لەلایەن چەند کەسێکەوە دۆزرایەوە.
وتیشی، ئاسکەکە
دوو بێچوی لە سکدا بووە لە شوێنێکی سەخت و دوور لە ئاوەدانی کە پێدەچێت کوژرابێت.
هاوکات، هەر
ئەمڕۆ لە کوێستانی کانیەڕەش لە پڕژێی سنوری چۆمان ئاسکێکیتری مردارەوەبوو دۆزرایەوە.
هەروەها، فەرمانگەی
ژینگەی سۆران سەبارەت بە کوشتنی ئاژەڵە کێویەکان بڵاویکردەوە، ده‌ڤه‌ری باڵه‌كایه‌تی
ره‌هه‌ندێكی جوگرافی دیاریكراوی هه‌یه و سیسته‌می ژینگه‌ی تایبه‌ت له خۆ ده‌گرێت،
بوونی چه‌ند ئاژه‌ڵ و زینده‌وه‌ر و باڵنده له‌م ناوچه‌یه هاوژیانن له سیسته‌مێكی
ژینگه‌یی دیاریكراودا و هەندێكیان وا هه‌ره‌شه‌ی له‌ناوچوون و بنبربوون ده‌بنه‌وه،
بۆیه گرنگە پارێزگاری له‌و سه‌روه‌ته نیشتمانیه بكه‌ین.