PM:10:25:04/05/2025
1632 جار خوێندراوەتەوە
پۆلیسی زاخۆ رایگه‌یاند، ئێواره‌ی ئه‌مڕۆ ماتۆڕسكیلێك خۆی كێشا به منداڵێكی ته‌مه‌ن حه‌وت ساڵان و به‌وهۆیه‌وه منداڵه‌كه گیانی له‌ده‌ستدا.
ئەمڕۆ یەکشەممە ٤ـی ئایاری ٢٠٢٥، پۆلیسی زاخۆ له راگه‌یه‌ندراوێكدا بڵاویكرده‌وه، ئێواره‌ی ئه‌مڕۆ كاتژمێر٧ له گه‌ڕه‌كی ته‌لكه‌به‌ر ماتۆڕسكیلێك به‌خێرایی خۆی كێشا به منداڵێكی ته‌مه‌ن حه‌وت ساڵان و ده‌ستبه‌جێ له شوێنی رووداوه‌كه منداڵه‌كه گیانی له‌ده‌ستدا.
پۆلیسی زاخۆ ئه‌وه‌شی خسته‌ڕوو، به‌بڕیاری دادوه‌ر،
شۆفێری ماتۆڕسكیله‌كه ده‌ستبه‌سه‌ركرا، په‌ڕاوی لێكۆڵینه‌وه‌ش به‌پێی مادده‌ی ٢٤
له‌یاسای هاتووچۆ كراوه‌ته‌وه و لێكۆڵینه‌وه ده‌ستیپێكردووه.
