AM:11:59:04/05/2025
1376 جار خوێندراوەتەوە
وتەبێژی کۆمسیۆنی عێراق رایگەیاند، ئەمڕۆ كۆتا رۆژی تۆماركردنی حزب وهاوپه‌یمانێتییه‌كانه لە كۆمسیۆن، كه ده‌یانه‌وێت به‌شداریی هه‌ڵبژاردنی داهاتووی پەرلەمانی عێراق بكه‌ن، هاوکات ئەمڕۆ ئەنجومەنی باڵای کۆمیسیاران کۆدەبنەوە بەمەبەستی درێژکردنەوەی وادەی تۆمارکردنی لیستی هاوپەیمانێتییەکان.
ئەمڕۆ یەکشەممە ٤ی نیسانی ٢٠٢٥، جومانه غه‌لای، وتەبێژی کۆمسیۆنی باڵای سەربەخۆی هەڵبژاردنەکانی عێراق بڵاویکردەوە، ئەنجومەنی باڵا ئه‌مڕۆ كۆتا رۆژه بۆ ئه‌و حزب و هاوپه‌یمانێتییانه‌ی ده‌یانه‌وێت به‌شداری لە هه‌ڵبژاردنی پەرلەمانی عێراق بكه‌ن و دیارنییه كه كاته‌كه‌ی درێژده‌كرێته‌وه یاخود نا.
وتیشی، پێناچێت
هه‌موو ئه‌و حزب و هاوپه‌یمانێتییانه‌ی پێشتر لای كۆمسیۆن تۆماركراون، به‌شداری له
هه‌ڵبژاردنه‌كه‌دا بكه‌ن، بۆیه ئه‌وانه‌ی ویستی به‌شدارییان هه‌یه، پێویستە
جارێكی دیكه سه‌ردانی كۆمسیۆن بكه‌ن و خۆیان تۆماربكه‌نه‌وه.
باسی لەوەشکرد،
لە ساڵی ٢٠١٥ەوە هەتاوەکو ئه‌مڕۆ، ژماره‌ی لایه‌نه سیاسییه تۆماركراوه‌كان ٣٣٠
حزبن، له‌و ژماره‌یه‌ش هه‌تا ئه‌مڕۆ ٧٠ حزب و هاوپه‌یمانیی سیاسی كه له دامه‌زراندان
و ٨٠ حزب و هاوپه‌یمانیی پێشوو، داواكاریی به‌شداریكردنیان لە هه‌ڵبژاردن پێشكه‌شكردووه،
هه‌روه‌ها پێنج هاوپه‌یمانیی نوێش تۆماركراون.
بڕیارە رۆژی ١١ی
تشرینی دووەمی ٢٠٢٥، هه‌ڵبژاردنی پەرلەمانی عێراق ئەنجامبدرێت و بۆ
ئه‌و مه‌به‌سته‌ش، كۆمسیۆن ١٥ی نیسانی ٢٠٢٥ده‌رگای ناوتۆماركردنی حزب و هاوپه‌یمانێتییه‌كانی
كردەوە.
