AM:09:22:04/05/2025
36104 جار خوێندراوەتەوە
پەرلەمانتارێکی عێراق رایگەیاند، سەرۆک وەزیرانی عێراق، بریاری لەسەر خەرجکردنی سەرەمووچەی مانگی چوار و دەرماڵەی بڕوانامە و شایستەی دارایی مووچەخۆران داوە.
ئەمرۆ یەکشەممە ٤ی ئایاری ٢٠٢٥، نیهال مورشید، ئەندامی پەرلەمانی عێراق ئاشکرایکرد، لەسەر داوای ئەو کە نوسراوی بۆ محەمەد شیاع سودانی، سەرۆک وەزیرانی عێراق کردووە، سودانی رەزامەندی دەربڕیوە سەرەمووچە و دەرماڵەی بروانامە و شایستەی دارایی بۆ مووچەخۆرانی عێراق خەرجبکرێتەوە، بریارەکەشی ئاراستەی وەزارەتی دارایی عێراق کردووە.
دەشڵێت، بە هۆی دواکەوتنی خشتەی بودجەوە خەرجکردنی شایستەی دارایی
مووچەخۆران دواکەوتبوو بەڵام سودانی بریاری داوە خەرجبکرێت.
ئاماژەی بەوەشکرد، بڕیارەکەی سودانی پەیوەندی بە
خشتەی بودجەوە نیە لە سەرەتای ئەمساڵەوە سەرەمووچەی مووچەخۆرانی هەرێمیش راگیراوە،
بەپێی ئەم بریارەی سودانی بێت دەبێت سەرەمووچەی مووچەخۆرانی هەرێم بگەڕێتەوە.
