PM:09:29:03/05/2025
1396 جار خوێندراوەتەوە
دوای ئەوەی بەهۆی تۆمارکردنی حاڵەتێکی تای خوێنبەربوون لە کۆیە کوشتارگەی شارەکە داخرا، بەرپرسی کوشتارگە دەڵێت، لە سبەینێوە کوشتارگەکەکەیان دەکرێتەوە.
ئەمڕۆ شەممە ٣ـی ئایارـی ٢٠٢٥، خەیروڵا خەزر، بەرپرسی کوشتارگەی کۆیە باسی لەوەکرد، هەموو رێکارەکانی پاککردنەوەی کوشتارگە و تعقیم کردنی بە ماددەی ڤێرکۆن بە تەواوەتی ئەنجام درا و لەسەر داوای قائیمقامی کۆیە بڕیاریاندا لە سبەی یەکشەممەوە کوشتارگە بکرێتەوە و کاری ئاسایی خۆی ئەنجام بدات.
ئەوەش دوای ئەوە دێت لە کۆیە کەسێک
تووشی تای خوێنبەربوون، کوشتارگەی کۆیەش لەبەر سەلامەتی هاوڵاتیان کوشتارگەکەیان
داخست، سەبارەت بەو کەسەشی تووشی تای خوێنبەربوون بووە، جێگری بەڕێوەبەری
تەندروستی کۆیە وتی، ئەو کەسە تەندروستی باشە و لەژێر چاودێری پزیشکیدایە.
