PM:06:09:03/05/2025
1192 جار خوێندراوەتەوە
میدیا ئەمریکییەکان رایانگەیاند، ئاژانسی هەواڵگریی ئەمەریکا سی ئای ئەی پلانی داڕشتووە ١٢٠٠ کەس لە هێزەکەی خۆی کەم بکاتەوە.
ئەمرۆ شەممە ٣ی ئایاری ٢٠٢٥، میدیا ئەمریکیەکان بڵاویانکردەوە، ئیدارەی دۆناڵد ترەمپ، سەرۆکی ئەمریکا، ئەنجومەنی نوێنەرانی ئاگادار کردووەتەوە لە پلانی کەمکردنەوەی کارمەندەکانی سی ئای ئەی کە لە ماوەی چەند ساڵێک ئەنجام بدرێت و بەشێکی کەمکردنەوەی کارمەندەکان لە رێگەی کەمکردنەوەی دامەزراندن بکرێت نەوەک دەرکردنی کارمەندەکان.
وتەبێژی سی ئای ئەی لەم بارەیەوە وتی، جۆن راتکلیف،
بەڕێوەبەری سی ئای ئەی، هەموو هەوڵێک دەدات کە هێزی کاری ئاژانسی هەواڵگریی
ئەمەریکا بۆ پاراستنی ئاسایشی نەتەوەیی ئەمەریکا تەرخان بکرێت.
وتیشی، ئەم هەنگاوانە بەشێکن لە ستراتیجیەتێکی
گشتگیر بۆ باشترکردنی پێگەی سی ئای ئەی بۆ گەیشتن بە ئامانجەکانی.
لە سەرەتای ئەمساڵدا، ئاژانسی هەواڵگریی
ئەمەریکا، بوو بە یەکەم دەزگای ئاسایش کە بەشداریی پرۆژەی خۆبەخشانەی ترەمپ بکات،
تیایدا ئاژانسەکە بەڵێنیدا کارمەندانی بە شێوەیەکی بەرچاو کەم بکاتەوە.
