ئاماژەی بەوەش کرد، سەبارەت بە مووچەی مانگی نۆ نەوەی نوێ لە بەغدا قسەی لەگەڵ تەیف سامی وەزیری دارایی کردووە و پێی راگەیاندوون، لە ئێستادا وەزارەتی دارایی عێراق وردبینی لە لیستی مووچەی مانگی نۆ دەکەن و ئەگەر کێشە لە لیستەکەدا نەبێت ئەوا بەبێ دواکەوتن مووچەی مانگی نۆ دەنێرن.

لەبارەی هەڵبژاردنەوە کاوە عەبدولقادر رایگەیاند، هەڵبژاردنی ئەمجارە جیاوازە و دەنگی هاوڵاتیان کاریگەری زۆری هەیە، سیستمی هەڵبژاردن ئەلیکترۆنی و دەستییە ئەمەش گرەنتی هەڵبژاردنێکی پاک و بێگەردە، هەربۆیە داوا لە هاوڵاتیان دەکەن بەشداری هەڵبژاردن بکەن و گۆڕانکاری دروست بکەن.وتیشی، "بەشداری کارای هاوڵاتیان و سەرخستنی نەوەی نوێ دەبێتە گۆڕانکاری و باشکردنی بارودۆخی هاوڵاتیان".

باسی لەوەش کرد، پارتی و یەکێتی تاڵانکەرن و ماڵ و موڵکی هاوڵاتیان دەدزن و تەنها لەخەمی زیاتر دەوڵەمەندکردنی خۆیانن. وتیشی، پارتی و یەکێتی تەنها درۆ دەکەن و بەرنامەیان نییە و هیچ بەڵێنێکیان جێبەجێ ناکەن، لە ئێستادا و لەگەڵ نزیکبوونەوەی هەڵبژاردن شاتەشات دەکەن و خۆیان واپیشان دەدەن حکومەت لای ئەوان نەبووە و ئۆپۆزسیۆن بوون.

ئەوەشی خستە روو، هاوڵاتیان زوڵم و ستەمی پارتی و یەکێتیان لە بیرناچێت و لەم هەڵبژاردنە تۆڵە دەکەنەوە و دەنگ نادەنەوە بە دز. وتیشی، "هاوڵاتیان دەنگ بدەن بە نەوەی نوێ و ببینە هێزی یەکەم لەگەڵ بەغدا رێک دەکەوین و گرفتی مووچە و بودجە چارەسەر دەکەین".

سەرۆکی فراکسیۆنی نەوەی نوێ لە خولی پێنجەمی پەرلەمانی کوردستان ئاماژەی بەوەش کرد، نەوەی نوێ بەرنامە و پلانی چوارساڵی ئایندەی بۆ چاکسازی و خزمەتکردنی هاوڵاتیان داناوە، بە بەرنامە و پلانێکی تۆکمە بەڵێن بە هاوڵاتیان دەدات بارودۆخیان باش دەکات.

راشیگەیاند، سەرەڕای ئازار و ئەشکەنجەدانیان بەوپەڕی توانایانەوە لە پەرلەمان داکۆکییان لە بەرژەوەندی هاوڵاتیان کرد و گەندەڵی دەسەڵاتیان وەکو رۆژی رووناک خستووەتە پێش چاوی هاوڵاتیان، وەکو سەرۆکی نەوەی نوێ و فراکسیۆنەکەیان لە هەرێم و بەغدا هەمیشە شەڕی بەرژەوەندی گشتییان کردووە.