PM:03:09:14/04/2024
36100 جار خوێندراوەتەوە
قائیمقامی ماوەت بە ئێن ئاڕ تی راگەیاند، شەوی رابردوو فڕۆکەی بێفڕۆکەوان لە نزیک گوندی گەلاڵەی سنووری ماوەت ماڵێکی بۆردوومان کردووە و بەهۆیەوە هاوڵاتییەک گیانی لەدەستداوە.
ئەمڕۆ یەکشەممە، کامەران حەسەن قائیمقامی قەزای ماوەت بە ئێن ئاڕ تی راگەیاند، کاتژمێر ١١ـی شەوی رابردوو لەلایەن فڕۆکەیەکی بێفڕۆکەوانەوە بۆردومانی گوندی گەڵاڵەکراوە و بەهۆیەوە هاوڵاتیەک گیانی لەدەستداوە.
ئاماژەی بەوەش کرد، ئەو هاوڵاتییەی کە گیانی لەدەستداوە
لەکاتی بۆردوومانەکەدا بەتەنها لە ماڵەوە بووە. وتیشی، "تەمەنی زیاتر لە ٣٠ ساڵ بووە و
خێزاندار نەبووە و دانیشتووی گوندی گەڵاڵە بووە، لە ئێستاشدا تەرمەکەی دەهێنرێتەوە
بۆ سلێمانی".
هاوکات شەوی رابردوو لەلایەن فڕۆکەی بێفڕۆکەوانەوە
چەند ناوچەیەکی جیاواز لە هەرێم بۆردوومانکرا
و لەماوەی ئەم ساڵیشدا زیاتر لە ٤٠ جار ناوچە جیاوازەکانی هەرێم بۆردوومان کراون.
ئیحسان سابر - سلێمانی
