نێچیرڤان بارزانی رایگەیاند، جه‌ژنى ره‌مه‌زان له ته‌واوى موسڵمانان له كوردستان، عێراق و جيهان، پيرۆز ده‌كات و هیواداریشە جه‌ژن و پشوويه‌كى پڕ له ئارامى و ئاسووده‌يى و كامه‌رانى بێت بۆ هاوڵاتیانی هەرێم.
ئەمڕۆ سێشەممە نێچیرڤان بارزانی پەیامێکی پیرۆزبایی بڵاوکردەوە و ئاماژەی بەو ەکرد، داواکارە ئەم جەژنە مانا و ئامانج و په‌يامه‌كانى له پێكهاتنه‌وه، لێكخۆشبوون، لێكنزيكبوونه‌وه، ئاشته‌وايى، چاكه و ته‌بايى، بۆ هه‌مووان ببێتە ده‌رفه‌تى نوێكردنه‌وه‌ى په‌يوه‌ندى و لێبوردن و پێكه‌وه‌يى.
دەشڵێت، " پێویستە هه‌موومان پێكه‌وه بۆ خزمه‌ت و خێرى گه‌ل و وڵاته‌كه‌مان كار بكه‌ين بەبێ جیاوازی".
باسی لەوەش کرد، هیوادارە کە
جەژن ببێتە هیوایەکی نوێ بۆ باشترکردنی رۆژگار
و دۆخی هاوڵاتیانی هەرێم.
هاوکات بافڵ تاڵەبانی سەرۆکی یەکێتی پەیامێکی پیرۆزبایی بڵاوبکردەوە
و تێیدا هاتووە، داواکارە کە جەژنی رەمەزان ببێتە هەوێنێکی نوێی پێکەوە ژیان و تەبایی،پێویستە
لەپیناو ماف و سەقامگیری هاوڵاتیانی هەرێم سەرجەم لایەنەکان یەکدەنگبن.
لەلایەکی تریشەوە مەسرور بارزانی سەرۆکى حکومەتى کاربەڕێکەری هەرێمى
کوردستان بەبۆنەی جەژنی رەمەزانەوە پیرۆزباییەکی بڵاوکردووەتەوە و ئاماژەی بەوە
کردووە، هیوادارە جەژن ببێتە مایەی خۆشی و شادی و خۆشگوزەرانی بۆ خەڵکی کوردستان و
کۆتاییهاتنی هەموو شەڕ و ناخۆشی و نەهامەتییەک لە جیهان.