باس لەوەش دەکەن، لە بەیانی جەژندا هاوڵاتییان بەشێوەیەکی گشتی خواردن ئامادە دەکەن، بۆیە گرنگە ژەمی نیوەڕۆیان خواردنێکی سادە و سوک بێت و قورس نەبێت، لەبەر ئەوەی گەدە ماوەی مانگێک راهاتووە بە برسی بوون، ناکرێت لەناکاو ئەو سیستمەی لێتێکبدرێت.

ئەوەش دەخەنە روو، دەبێت گرنگی بە ئاوخواردنەوە بدەن و بڕێکی باش ئاو بخۆنەوە بۆئەوەی گورچیلەکان خۆیان پاکبکەنەوە و تووشی رمڵ نەبن و گرنگە نەک تەنها رۆژووەوانان، بەڵکو هاوڵاتییان بە گشتی تاوەکو هەست بە برسێتی نەکەن نان نەخۆن، لەبەر ئەوەی لەکاتێکدا هێشتا شەکری خواردنی پێشوو کە هەڵمژراوە لەناو خوێندا هەیە و رێژەی ئەنسۆلین بە بەرزی ماوەتەوە بۆیە گرنگە جەستە ئەوە شی بکاتەوە و رێژەی ئەنسۆلین دابەزێت.

دەشڵێن، نابێت خواردن تەرک بکرێت، بەڵکو دەبیت بڕەکەی رێکبخریت و رۆژووەوانان لە مانگی رەمەزاندا لەسەر برسێتی راهاتوون، بەڵام لە رۆژانی جەژندا برسیشیان نییە نان و شیرینی دەخۆن، بۆیە گەدەیان تێکدەچێت و لە هەندێک باردا توشی ژەهراویبوون دەبن، بۆیە بشترین هەڵبژاردن ئەوەیە کە رۆژووەوانان نانی بەیانیان خوارد نان نەخۆنەوە تاوەکو برسیان دەبێت.

هاوکات، زۆرخواردن یان خواردنی قورس دەکات لەسەر دەروونی مرۆڤ و دەڵێت، زۆرخواردنی شیرینی و ژەمی قورس لەش ماندوو دەکات و ئەوەش دەبێتە هۆکارێک بۆ ماندووبوونی مێشک و زوو هەڵچوون و توڕەبوون.