PM:02:29:09/04/2024
3296 جار خوێندراوەتەوە
وتەبێژی پۆلیسی سلێمانی بە ئێن ئاڕ تی راگەیاند، لە ماوەی مانگی رەمەزاندا، هیچ حاڵەتێکی کوشتن لە شاری سلێمانی رووینەداوە. دەشڵێت، فرۆشتنی بابەتی تەقەمەنی لە جەژندا قەدەغەیە و هەرکەسێک بیفرۆشێت سزا دەدرێت.
ئەمڕۆ سێشەممە، سەرکەوت ئەحمەد وتەبێژی پۆلیسی سلێمانی بە ئێن ئاڕ تی راگەیاند، لەمانگی رەمەزاندا بەردەوام هێزەکانیان لە ناوشاردا لە حاڵەتی ئامادەباشیدا بوون و هیچ رووداوێکی کوشتن رووینەداوە و کەمترین رووداوی شەڕکردن و تەقەکردن لە مانگی رەمەزاندا تۆمار کراوە.
ئاماژەی بەوەش
کرد، سبەینێ کە یەکەم رۆژی جەژن دەکات، هێزەکانیان لە سەرقەبران و ئەو شوێنانەی کە
ئاهەنگ و کۆبوونەوەی تێدایە دابەش دەبن و شەوانیش هێزەکانی نەهێشتنی تاوان لە ئەرکدا
دەبن.
ئەوەشی خستە
روو، سەرجەم مارکێتەکان ئاگادار کراونەتەوە کە فرۆشتنی بابەتی تەقەمەنی لە جەژندا
قەدەغەیە و هەرکەسێک بیفرۆشێت سزا دەدرێت و رووبەرووی یاسا دەکرێتەوە.
وتیشی، "داوامان
لە هاوڵاتیان کردووە لە کاتی بێزارکردنیان لە رۆژانی جەژندا بەهۆی بابەتی
تەقەمەنی، پەیوەندی بە هێڵە گەرمەکانمانەوە بکەن".
گۆران لوقمان - سلێمانی
