AM:10:22:08/04/2024
2900 جار خوێندراوەتەوە
بەرپرسێکى یەکێتى دەڵێت، هەڵوەشاندنەوەی کورسی کۆتاکان لە پەرلەمانى کوردستان نادەستورییە و بەشێک لە بڕیارەکانی دادگای فیدراڵیش زیادەڕەوییان تێدایە.
عەدنان موفتی سەرۆکی خولی دووەمی پەرلەمانی کوردستان لە لێدوانێکدا بۆ دەنگى ئەمریکا رایگەیاندووە، کورسی کۆتاکان بە گوێرەی یاسا رێکخراوە و پارتی و یەکێتی دەنگیان لەسەر داوە و لابردنیان لەلایەن دادگای فیدراڵی، نا دەستوریی و پێچەوانەی یاساکانى هەرێمى کوردستانن.
باسی لەوەشکردووە، بەشێک لە بڕیارەکانی دادگای فیدراڵی
نادەستوریین و زیادەڕەوییان تێدایە.
ئەمە لە کاتێکدایە، پێشتر پارتى و یەکێتى نیگەرانى خۆیان
لە بڕیارەکەى دادگا بۆ لادانى کورسى کۆتاکان لە پەرلەمان پیشاندا، چونکە دەیانویست
کورسى کۆتاکان لە برى لابردن، دابەش بکرێن بەسەر پارێزگاکاندا و بۆ بەرژەوەندى خۆیان
بەکاریان بهێنن.
