وتەبێژی بەنزینخانەکانی سلێمانی بە دیجیتاڵ میدیای ئێن ئاڕ تی راگەیاند، لە دواینوەڕۆوە نرخی سەرجەم جۆرەکانی بەنزین و غازی ئێڵ پی جی لە بەنزینخانەکان دادەبەزێت.
بەهمەن قادر وتەبێژی بەنزینخانەکانی سلێمانی بە ئێن ئاڕ تی راگەیاند، لە دوانیوەڕۆی ئەمڕۆوە نرخی یەک لیتر بەنزینی سوپەر و محەسەن ٥٠ دینار، هاوکات نرخی یەک لیتر بەنزینی نۆرماڵ و غازی ئێڵ پی جی ٢٥ دینار دادەبەزێت.
ئاماژەی بەوەش
کرد، لە ئێستادا نرخی یەک لیتر بەنزینی سوپەر هەزار و ٢٠٠ دینارە و لەدوای
دابەزینی نرخەکەی دەبێتە هەزار و ١٥٠ دینار، نرخی یەک لیتر بەنزینی محەسەنیش هەزار
و ٥٠ دینارە و دوای دابەزینی نرخەکەی دەبێتە هەزار دینار.
باسی لەوەش
کرد، نرخی یەک لیتر بەنزینی جۆری نۆرماڵ ٨٢٥ دینارە و دوای دابەزینی نرخەکەی
دەبێتە ٨٠٠ دینار.
هاوکات،
نرخی یەک لیتر غازی ئێڵ پی جی لە ٥٧٥ دینارەوە بۆ ٥٥٠ دینار دادەبەزێت.
گۆران
لوقمان – سلێمانی