PM:10:58:06/04/2024
1800 جار خوێندراوەتەوە
ترسی هەڵبژاردن و تۆڵەی خەڵک لە پارتی و یەکێتی وایکردووە مووچەی دوو مانگ لە دوو هەفتەدا دابەش بکرێت، و مووچەی مانگێکیش بە هەفتەیەک بدرێت. هاوکات، دەسەڵات بەڵێنى دەستپێکردنەوەى پلەبەرزکردنەوەش دەدات بەڵام، خەڵک دەڵێن جارێکى دیکە متمانە بەو حزبانە ناکەنەوە.
لەگەڵ نزیکبوونەوەی هەڵبژاردن و ترسی دەسەڵات لە ناڕەزایەتییەکانی خەڵك، کاریگەرییەکانی بە خێرایی دەرکەوت بە جۆرێک حکومەتە کاربەڕێکەرەکەی هەرێم کە مووچەی سێ مانگی ساڵی رابردووی خواردبوو، بە کەمتر لە دوو هەفتە مووچەی دوو مانگ و بە سێ رۆژیش مووچەی سەرجەم وەزارەتەکان دابەش دەکەن و بەڵێن و بانگەشەی پلە بەرزکردنەوە و زەوی و شوقە دابەشکردنیش دەدەن.
یەکێتی و
پارتی نەیانتوانی بە ٢٠ ساڵ خزمەتگوزاری بۆ گەڕەکی ٨ـی حەسارۆک لە هەولێر دابین بکەن
و ئێستا بەڵێنی دابەشکردنی زەوی دەدەن بەسەر فەرمانبەراندا.
ترسی دەسەڵات
لە هەڵبژاردن وایکردووە هەر رۆژەی بەڵێن و بڕیارێک بدەن بە گوێی خەڵکدا، چوار ساڵی
رابردوو پارتی و یەکێتی لە حکومەتە هاوبەشەکەیان ئەوەی لە دەستیان هات بەرامبەر بە
خەڵک و مووچەخۆر و کاسبکار کردیان، هەر لە مووچەبڕین و زیادکردنی باجەوە تا دەگات
بە راگرتنی خزمەتگوزاریی و پڕۆژەکان وەک بڵێی ئەوەیان بیر نەبێت کە هەڵبژاردن دێت
و سزای خەڵک چاوەڕێیان دەکات.
ترسی دەسەڵات
لە هەڵبژاردن ئاماژەی گرنگی دەنگدان و بەشداری خەڵکە، هەربۆیە لە ئێستادا بڕیارێک
بە پارتی و یەکێتی دەردەکات و مووچە پێشدەخەن و بەڵێنی پلەبەرزکردنەوە و پڕۆژە بە
خەڵک دەدەن، بەڵام پێناچێت هەروا ئاسان خەڵک چوار ساڵی رابردوویان بیربچێتەوە و هەروا
ئاسان بە بەڵێن و بانگەشەی دووبارەی ئەو دوو حزبە فریو ناخۆن.
