رۆژووگرتن لە مانگی رەمەزاندا کاریگەری لەسەر لایەنی جەستەیی و دەروونی مرۆڤ هەیە، ئەگەر رێجیمێکی تەندروست پەیڕەو بکرێت، رۆژوو کاریگەری ئەرێنی لەسەر تەندروستی رۆژووگر دەبێت، ئەمەش بەپێی چەند لێکۆڵینەوەیەکی زانستی و راسپاردەی پسپۆڕان و پزیشکەکانە.
ماڵپەڕی "الجزیرة" لە بابەتێکیدا روونكردنهوەی لهسهر چەند خاڵێکی گرنگ له سووده تهندروستییهكانی رۆژووگرتن داوە، ئەوانیش بریتین لە:
١. دابەزینی
کێشی جەستە: دوای چەند كاتژمێر لە خۆراک نەخواردن، گەدە بەتاڵ دەبێت، جەستە بۆ بەدەست
هێنانی وزەی پێویست پەنا دەباتە بەر ئەو گلوکۆزەی لەناو ماسوولکە و جگەردایە بۆیە
هەست بە شەکەتی ماسوولکەکان دەکەین، دوای تەواوبوونی شەکری پێویست ئینجا چەوری زیادە
دەتوێتەوە بۆیە کێش دادەبەزێت.
٢. پاکبوونەوە لە پاشەڕۆ و ژەهرەکان:
دوورکەوتنەوە لەخواردن و خواردنەوە بۆ ماوەیەکی درێژ جەستە پاک دەکاتەوە لە ژەهر و
ماددە زیانبەخشەکان، ریخۆڵەکان خاوێن دەکاتەوە و سووڕی خوێن چالاک دەکات.
٣. دابەزینی
چەوری خوێن: چەندین توێژینەوە ئەوەیان دەرخستووە کە بەڕۆژووبوون رێژەی چەورییە
خراپەکانی دڵ و سەر جگەر دادەبەزێنێت و رێژەی چەوری باش بەرز دەکاتەوە، ئەمەش دەگەڕێتەوە
بۆ بەکارهێنانی چەوری کۆبووەوەی ژێر پێست و جگەر لەلایەن جەستەوە.
٤ .بەهێزکردنی بەرگری جەستە: بەڕۆژووبوون
ئاستی دژە ئۆکسان و دژەهەوکردنەکان زیاد دەکات ئەمانەش کاریگەری باشیان هەیە بۆ کەم
کردنەوەی مەترسی مردنی خانەکان، خانە شێرپەنجەییەکان و تووشبوون بە نەخۆشی لەبیرچوونەوە.
٥. هێورکردنەوەی دەروون: هەرچەندە لە سەرەتای بەڕۆژووبوون
بەهۆی وشکبوونەوە و دابەزینی ئاستی شەکری خوێن و تێکچوونی کاتی خەو و خواردن باری
دەروونی تێک دەچێت بەڵام وردە وردە کەسی بەڕۆژوو لەگەڵ ئەم بارە تازەیە رادێت، لە
کۆتاییدا بەهۆی زیاد دەردانی هۆڕمۆنەکانی ئیندۆرفین و سیرۆتۆنین و تازەبوونەوەی
خانەکانی مێشک بەڕۆژووبوونی رەمەزان کاریگەری باشی دەبێت بۆ کەمکردنەوەی خەمۆکی و
دڵەڕاوکێ.