وەزارەتی کار و کاروباری کۆمەڵایەتی عێراق رایگەیاند، دەست بە دابەش کردنی هاوکاری کۆمەڵایەتی بۆ مانگی نیسان کراوە.
ئەمڕۆ دووشەممە، ئەحەد ئەسەدی وەزیری کار و کاروباری کۆمەڵایەتی عێراق رایگەیاند، دەستیان کردووە بە دابەش کردنی هاوکاری کۆمەڵایەتی بۆ مانگی نیسان.
ئاماژەی بەوەش کرد، هاوکاری کۆمەڵایەتی
زیاتر لە دوو ملیۆن و ١٢٠ هەزار خێزان دەگرێتەوە بەکۆی گشتی زیاتر لە ٤٥٦ ملیار دینار.
هاوکات، وەزارەتی دارایی عێراق رایگەیاند،
ئەمڕۆ دەست بە دابەشکردنی مووچەی مانگی چواری سەرجەم خانەنشینان دەکەن و بەشێکی
خانەنشینانیش مووچەکانیان زیاد کراوە.
حکومەتی عێراق مانگانە و هەر لە سەرەتای
مانگەوە، وەک یەکەم شوێن مووچەی خانەنشینانی خۆی دابەش دەکات، جگە لەو کارئاسانییانەی
لە مامەڵەکانیاندا بۆیان دەکرێت، هاوکات چەندین خزمەتگوزاریی پێدانی قەرز و سولفەشیان
پێشکەش دەکرێت.