PM:11:43:29/11/2023
68860 جار خوێندراوەتەوە
شارەزایەکی کەشناسی رایگەیاند، لە ناوەڕاستی مانگی داهاتووەوە دوو شەپۆلی بارانبارین روو لە ناوچەکانی عێراق و هەرێم دەکات و پێشبینی دەکرێت رێژەیەکی زۆر باران ببارێت .
ئەمڕۆ چوارشەممە، شارەزایەکی کەشناسی عێراق رایگەیاند، تاوەکو سێ رۆژی داهاتوو کەشوهەوای سارد لە وڵاتدا بەردەوام دەبێت و لە سەرەتای هەفتەی داهاتووەوە کەشوهەوا ئاسایی دەبێتەوە.
ئاماژەی بەوەش کرد، لە نیوەی مانگی داهاتووەوە عێراق دەکەوێتە ژێر کاریگەری
شەپۆلەکانی بارانبارین و لە رۆژی ٩ـی مانگی داهاتووەوە یەکەم شەپۆلی بارانبارین
روو لە ناوچەکە دەکات.
ئەوەشی خستە روو، پێشبینی دەکرێت شەپۆلی دووەمی بارانبارین لە رۆژی ١٣ـی
مانگی داهاتووەوە دەستپێبکات و رێژەیەکی زیاتر باران ببارێت.
