PM:11:10:29/11/2023
16580 جار خوێندراوەتەوە
بەڕێوەبەرایەتی شارەوانی سلێمانی لە راگەیەندراوێکدا بڵاویکردەوە، بە مەبەستی کارکردن و قیرتاوکردن، بۆ ماوەی سێ رۆژ شەقامی دابان لە گەڕەکی کارێزەوشکی سلێمانی دادەخرێت.
ئەمڕۆ چوارشەممە، بەڕێوەبەرایەتی شارەوانی سلێمانی راگەیەنراوێکی بڵاوکردەوە و تێیدا هاتووە، سەرجەم شۆفێران ئاگادار دەکەنەوە بۆ ماوەی سێ رۆژ کار لە شەقامی دابان لە کارێزەوشکدا دەکرێت و قیرتاو دەکرێت.
ئاماژە بەوەش کراوە، بەهۆی قیرتاوکردنەوە، شەقامەکە لەپێش مزگەوتی داروسەلام
بە ئاڕاستەی مزگەوتی شەفیق بەگ بەڕوی شۆفێراندا دادەخرێت.
لە راگەیەندراوەکەدا سەرۆکایەتی شارەوانی سلێمانی داوا لە هاوڵاتییان و
کاسبکاران و نیشتەجێبوانی ئەو گەڕەکە دەکات کە نزیکن لەو شەقامەوە هاوکاریی و هەماهەنگی
تیمەکانیان بکەن و هەتاکو قیرتاوکردنەکە کۆتایدێت ئاو نەڕێژنە سەر شەقامەکە.
