PM:07:56:29/11/2023
1448 جار خوێندراوەتەوە
وەزارەتی کۆچ و کۆچبەرانی عێراق رایگەیاند، لە کۆی ١٧٠ کەمپ، لە ئێستادا تەنها ٢٦ کەمپ ماونەتەوە بەو پێییەی زۆرینەی ئاوارەکان گەڕاونەتەوە ناوچەکانی خۆیان.
ئەمڕۆ چوارشەممە، وەزارەتی کۆچ و کۆچبەرانی عێراق رایگەیاند، لە درێژەی کارەکانی حکومەتی عێراق بۆ داخستنی کەمپەکان و ناردنەوەی ئاوارەکان بۆ ناوچەکانی خۆیان، لە ماوەی رابردوودا ٦٠ کەمپی دیکەی ئاوارەکانیان داخستووە و ئاوارەکان گەڕاونەتەوە ناوچەکانی خۆیان.
ئاماژەی بەوەش
کرد، لە ئێستادا لە کۆی ١٧٠ کەمپ تەنها ٢٦ کەمپ ماونەتەوە و ١٤٤ کەمپ داخراون و زۆرینەی
ئەو کەمپانەی ماونەتەوە دەکەونە هەرێمی کوردستان و زۆربەی ئاوارەکانیش خەڵکی شنگالن.
ئەوەشی خستە
روو، حکومەتی عێراق کاردەکات بۆ کۆتایی هێنان بە پرسی ئاوارەکان و گەڕاندنەوەیان بۆ
ناوچەکانی خۆیان و داخستنی سەرجەم کەمپەکان.
ئەمەش لە
کاتێکدایە، لە چەند مانگی رابردوو، وەزارەتی کۆچ و کۆچبەرانی عێراق رایگەیاند، بڕی
یەک ملیۆن و ٥٠٠ هەزار دینار بۆ هەر خێزانێکی ئاوارە خەرج دەکەن کە گەڕاونەتەوە بۆ
ناوچەکانی خۆیان و ئەو پاکێجی هاوکارییەی راگەیەنراوە سێ هەزار و ٩٤٢ خێزان دەگرێتەوە.
